ប្រជាពលរដ្ឋ១៣នាក់ដាក់ប្តឹងមេបញ្ជារការរងយោធាមណ្ឌលគិរីទៅនគរបាលស្រុកកែវសីមា
22-July-2016 | ដោយ មែន កំសត់
មណ្ឌលគិរី៖ប្រជាពលរដ្ឋ១៣នាក់បានដាក់ពាក្យប្តឹងមេបញ្ជារការរង យោធាខេត្តមណ្ឌលគិរីម្នាក់ពីរករណីផ្សេងគ្នាទៅកាន់អធិការដ្ឋានគរបាល ស្រុកកែវសីមាដើម្បីស្វែងរកកិច្ចអន្តរាគមន៍។ប្រជាពលរដ្ឋ១៣នាក់ មកពីចំណុចប៉ោដើមស្វាយ ស្ថិតក្នុងទឹកដីឃុំស្រែព្រះ ស្រុកកែវសីមា បានមកដាក់ ពាក្យបណ្តឹងនៅអធិការដ្ឋាននគរបាលស្រុកកែវសីមា រយៈពេល២ថ្ងៃក្នុងសំណុំរឿង២ករណី ទៅលើឈ្មោះ ថនម៉េងស្រ៊ា តួនាទីមេបញ្ជាការរងតំបន់ប្រតិបត្តិការសឹករងខេត្តមណ្ឌលគិរី។
តំណាងពលរដ្ឋចំនួន១៣នាក់គឺលោក ឡឹក ហ៊ា បានប្រាប់អ្នកកាសែតថា ពួកលោកបាននាំគ្នាមកកាន់អធិការដ្ឋានម្តង រួចមកហើយ ដើម្បីដាក់ពាក្យបណ្តឹកទៅឈ្មោះថនម៉េងស្រ៊ាពីបទរំលោភលើ សេចក្តីទុកចិត្ត។លោកថាបានជាលោកដាក់ពាក្យបណ្តឹងបែបនេះក្រោយពីលោក បានរងនូវការបោកប្រាស់ពីឈ្មោះខាងលើបន្ទាប់ពីលោកនិងប្រជាពលរដ្ឋ១២ នាក់ផ្សេងទៀតស៊ីឈ្នួលកាប់រុករានព្រៃទំហំ៤០០ម៉ែតគុណនិង៧០០ម៉ែត្រ ស្ថិតនៅចំណុចប៉ោដើមស្វាយក្នុងតម្លៃចរចារគ្នាមួយហិកតា៦៥០ដុល្លារ ។
បើគិតទៅទំហំខាងលើគឺស្មើរនិងផ្ទៃដី២៨ហិកតាក្នុងតម្លៃ ទឹកប្រាក់១ម៉ឺន៨ពាន់២រយដុល្លារអាមេរិក។ឈ្មោះថនម៉េងស្រ៊ា បានប្រគល់រួចរាល់ចំនួន១ម៉ឺន២ពាន់៨រយដុល្លារអាមេរិចកនៅខ្វះ៥ ពាន់ ៤រយ គឺមិនបានឲ្យនោះទេ។
លោកបញ្ជាក់ថា នៅពេលដែលក្រុមកម្មករ ទាមទារប្រាក់ទាំងនោះមេបញ្ជាការរង ខាងលើ បានឆ្លើយថា មិនឲ្យទេ ដោយសំអាងថាមិនទាន់កាប់ព្រៃរួចរាល់។តំណាងពលរដ្ឋខាងលើនៅតែអះអាងថា ពួកគាត់បានកាប់ជូនឈ្មោះថនម៉េងស្រ៊ារួចរាល់អស់ហើយ។ ប៉ុន្តែលោកថន ម៉េងស្រ៊ា មិនព្រមដាំដំណាំរយៈពេល២ឆ្នាំបណ្តាលឲ្យព្រៃរបោះដុះឡើងវិញ ហើយក៏ឆ្លើយដោះសារថា កម្មករមិនបានកាប់ រួចរាល់។
ការជជែកគ្នា នៅអធិការដ្ឋានអូសបន្លាយរយៈពេលច្រើនម៉ោងរវាងប្រជាពលរដ្ឋនិង មេបញ្ជាការរងខាងលើ បន្តបានទៅជាកំដៅមួយរហូតមេបញ្ជាការរងថន ម៉េងស្រ៊ា យកទូរស័ព្ទនិងកៅអីជ័រ វាយទៅលើតំណាងកម្មករគឺ លោកឡឹក ហ៊ា បណ្តាលឲ្យរងរបួសរំពេចនោះក៏មានកិច្ចអន្តរាគមន៍ពីសមត្ថកិច្ចនគរបាល ផងដែរ។
គួរបញ្ជាក់ថាប្រជាពលរដ្ឋចំនួន១៣នាក់ខាងលើកើតក្តី មិនសុខចិត្តនិងទង្វើរខ្វះសីលធម៍បែបនេះពួកគេបានសម្រេចចិត្តមក អធិការដ្ឋានម្តងទៀតនៅថ្ងៃ២១កក្កដានេះដើម្បីដាក់ពាក្យបណ្តឹងថ្មី មួយទៀតទៅឈ្មោះថនម៉េងស្រ៊ាពីបទបង្ករហឹង្សារតែដោយសារកង្វះខាត ឯកសារមួយចំនួនពាក្យបណ្តឹងក៏ត្រូវលើកទៅដាក់នៅថ្ងៃទី២២កក្កដាវិញ។
ជុំវិញពាក្យបណ្តឹងដែលប្រជាពលរដ្ឋដាក់ជូនលោកអធិការនគរបាល ស្រុកកែវសីមាចំនួន២លើកនៅថ្ងៃ២១កក្កដា។ពាក់ព័ន្ធបញ្ហានេះ អ្នកកាសែតមិនទាន់មានការបំភ្លឺពីលោកថនម៉េងស្រ៊ាមេបញ្ជាការរងតំបន់ ប្រតិបត្តិការសឹករងនៅឡើយ ដោយទូរស័ព្ទគ្មាន អ្នកទទូល។
អធិការនគរបាលស្រុកកែវសីមាលោកស៊ុនប៊ុនធឿនបានឲ្យដឹងនៅថ្ងៃដដែល នេះថាលោកបានទទូលពាក្យបណ្តឹងពីប្រជាពលរដ្ឋ១ករណីហើយពីបទរំលោភលើ សេចក្តីទុកចិត្ត។ហើយនៅថ្ងៃដែលពួកគាត់មកដាក់ពាក្យបណ្តឹងនោះក៏មាន កើតហឹង្សារគ្នារវាងដើមបណ្តឹងនិងជនដែលគេចោទ។
លោកថា បច្ចុប្បន្នលោកកំពុងត្រៀមខ្លួនទទូលពាក្យ បណ្តឹងថ្មីមួយទៀត ដែលប្រជាពលរដ្ឋ១៣នាក់នោះនិយាយថា ឈ្មោះថន ម៊េងស្រ៊ា បានប្រើហឹង្សាដោយចេតនា ទៅលើតំណាងរបស់ពួកគាត់ឈ្មោះឡឹក ហ៊ាដើម្បីចាត់ការបន្ត៕S
ចំនួនអ្នកទស្សនា
- ថ្ងៃនេះ2071
- ម្សិលមិញ5181
- សប្តាហ៍នេះ24831
- ខែនេះ7261
- ឆ្នាំនេះ250501
- សរុប20692957